Renovada a liña ferroviaria entre Ourense e Santiago tras tres días pechada por obras nas infraestruturas
Por Europa Press / Redacción | OURENSE | 25/04/2023 | Actualizada ás 11:44
A circulación ferroviaria entre Ourense e Santiago de Compostela volveu a abrir na mañá deste martes tras tres días de obras nas infraestruturas, que obrigaron aos viaxeiros a desprazarse por estrada.
Tal como informaron fontes do Administrador de Infraestruturas Ferroviarias (Adif) a Europa Press, os trens volveron a operar con normalidade desde as 05,15 horas deste martes, despois de que se interrompese a circulación durante o sábado, o domingo e o luns.
Durante ese tres días leváronse a cabo obras que incluían a posta en servizo do sistema de protección do tren 'ERTMS' no seu nivel 1 no eixo atlántico e na contorna da estación de Santiago, incluído o tramo no que se produciu o accidente do Alvia. Así, durante os traballos, os viaxeiros foron desprazados por estrada aos seus destinos. A partir desta mañá, os trens xa volven circular con normalidade.
