Feridos dous ocupantes dunha furgoneta que chocou contra un trailer na A-52 en Riós
Por E.P. | SANTIAGO DE COMPOSTELA | 27/04/2023 | Actualizada ás 10:32
Efectivos de emerxencias rescataron na mañá deste xoves ao condutor dunha furgoneta que chocou contra un trailer na A-52, no municipio ourensán de Riós. No sinistro, resultaron feridas dúas persoas.
Tras recibir a alerta, o 112 informou ao 061, que enviou ao lugar unha dotación sanitaria a bordo do helicóptero medicalizado con base en Ourense. Tamén foron desprazados axentes da Garda Civil de Tráfico, GES da Gudiña e Bombeiros de Verín, que tiveron que rescatar ao condutor, xa que quedara atrapado no vehículo.
No interior do furgón viaxaban tres persoas, que ocupaban os asentos dianteiros. Delas, dous resultaron feridas: a vítima atrapada, que foi evacuada en helicóptero, e outro dos ocupantes, que foi trasladado en ambulancia. O terceiro pasaxeiro resultou ileso.
