Por E.P. | SANTIAGO DE COMPOSTELA | 28/04/2023 | Actualizada ás 16:19
O PP e o PSdeG aprobaron no Parlamento galego cos seus votos unha iniciativa que insta á Xunta a que ofreza asesoramento técnico e económico á compañía portuguesa Altri para que poida beneficiarse das convocatorais Perte para financiar a posta en marcha da súa planta de fibras téxtiles proxectada para o municipio lugués de Palas de Rei.
A proposición non de lei foi debatida na Comisión 6ª de Economía e Industria da Cámara autónomica celebrada este venres, onde o BNG se abstivo na votación da iniciativa dos socialistas, que aceptaron incluír no texto unha adición dos populares.
Por unha banda, a proposta aprobada insta ao Goberno galego a ofrecer a súa axuda a Altri para que poida acudir "con garantías" ás convocatorias dos Perte, de cara a lograr financiamento para a súa factoría de fibras téxtiles na provincia de Lugo.
Os populares lograron que o PSdeG aceptase incluír un segundo parágrafo na iniciativa que se dirixe ao Goberno central para pedirlle que cumpra co seu compromiso de "garantir" o financiamento "necesario" para a creación desta fábrica a través de Fondos Next Generation.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.