Persoal de Urbaser en Ames irá á folga desde o próximo 8 de maio
Por E.P. | SANTIAGO DE COMPOSTELA | 03/05/2023 | Actualizada ás 18:47
O persoal da empresa Urbaser na localidade coruñesa de Ames, que presta o servizo municipal de limpeza viaria e punto limpo, concentrouse este mércores antela Casa Consistorial para reclamar unha nova reunión na que se lles presente "outra proposta económica que permita ao persoal afrontar a galopante inflación" ou, pola contra, irán á folga indefinida desde o próximo 8 de maio.
A mobilización, que contou con apoio do comité de Urbaser en Santiago --onde tamén está convocada folga a partir do 15--, demandou un "convenio digno" e que se suban os salarios ante a alza do IPC.
O secretario comarcal de CIG-Servizos, Roberto Alonso, explicou que a oferta que fixo a empresa nas últimas reunións foi "ridícula", xa que ofreceu 200 euros para o ano 2022, nunha única paga, e 300 en 2023, "en ningún dos casos consolidable" no salario.
Isto suporía, explicaron, un incremento salarial que "apenas chegaría ao 1% e que non iría nin sequera acompañado doutras melloras nas condicións laborais". Ademais, criticaron que Urbaser rebaixase " a tres anos" a oferta de convenio, inicialmente para catro anualidades.
