Baltar terá que enfrontarse a un xuízo penal o 31 de maio tras comparecer finalmente ante a xuíza

O Xulgado de Primeira Instancia e Instrución de Poboa de Sanabria (Zamora) decretou un xuízo rápido para o presidente da Deputación de Ourense, Xosé Manuel Baltar, para o vindeiro 31 de maio, dous días despois dos comicios municpais. Unha decisión que adoptou tras a comparecencia vía telemática e a última hora de Xosé Manuel Baltar. Con todo, o líder ourensán anunciou xa que non está de acordo coa decisión e anunciou un recurso.

Precisamente, na noite do martes a xuíza dicía que se reservaba a posibilidade de impor as sancións que correspondan tras a decisión de Baltar de non comparecer, a segunda xa esta semana, no xuízo rápido contra o presidente da Deputación de Ourense e do Partido Popular nesa provincia, Manuel Baltar, por un delito contra a seguridade viaria tras ser 'cazado' ao volante dun coche oficial a 215 quilómetros por hora.

O xuízo por estes feitos xa se suspendeu o pasado martes pola incomparecencia do avogado do político, que o día anterior pretendeu que a xuíz o suspendese, sen éxito, alegando que tiña un señalamiento previo. Este xoves ocorreu outro tanto tras recibir agora o xuíz un escrito do procurador do presidente da Deputación de Ourense no que volvía reclamar a suspensión da vista sinalada e manifestaba a súa vontade de non comparecer este xoves.

Por tanto, o xuízo rápido previsto non puido celebrarse, aínda que, tras o ocorrido, o Xulgado volverá efectuar un novo señalamento, reservándose a posibilidade de impor as sancións que correspondan, segundo a información do Gabinete de Prensa do Tribunal Superior de Xustiza de Castela e León recollida por Europa Press.

O dirixente "popular" foi multado con 600 euros--300 por pronto pago-- e fóronlle retirados seis puntos do carné de conducir, aínda que á vía administrativa súmase agora a penal ao exceder, presuntamente, en 84 quilómetros o límite da vía, tal e como establece o atestado da Garda Civil, que aplica unha marxe de erro do 5 por cento neste caso ao ser 'pillado' Baltar no coche oficial por un radar fixo.

FALTA DE "AUTORIDADE"

A portavoz nacional do BNG, Ana Pontón, recriminou ao presidente da Xunta e do PP galego, Alfonso Rueda, que non teña "autoridade" ante o "intento de obstrución á xustiza" do presidente da Deputación de Ourense. "Todo o que está a rodear a Baltar é un esperpento. Hai un intento de obstrución á Xustiza e o señor Rueda permítello", denunciou Pontón.