Jácome denuncia a La Región e La Voz polos famosos audios que apuntan a irregularidades súas
Tamén ten pendente tres denuncias de PPdeG, BNG e PSdeG ante a Fiscalía.
Por Europa Press / Redacción | OURENSE | 12/05/2023 | Actualizada ás 16:24
O alcalde de Ourense, Gonzalo Pérez Jácome, formalizou varias denuncias por mor da difusión de varios audios por parte de 'La Región' --e en menor medida, 'La Voz de Galicia'-- que o ligarían con supostas prácticas irregulares vinculadas aos temas de concesións e financiamento do seu partido.
Fontes do Tribunal Superior de Xustiza de Galicia (TSXG) confirmaron que presentou unha primeira denuncia o día 8 de maio no Xulgado de Garda e, tras ir a repartición, lévao o Xulgado de Instrución número 2 de Ourense. Doutra banda, Gonzalo Pérez Jácome presentou este mesmo venres, 12 de maio, unha nova denuncia no Xulgado de Instrución número 1 de Ourense.
En ambos os casos, aluden a un presunto delito de revelación de segredos e están pendentes de incoar. Cada unha delas diríxese contra un medio de prensa escrita, é dicir, La Voz e La Región.
DENUNCIAS EN FISCALÍA
Fronte ás denuncias interpostas por Jácomen, atópanse as presentadas polo PP (a última, este xoves), a do PSOE, pola que xa se abriron dilixencias previas, e a do BNG, que se presentou ante a Fiscalía Xeral do Estado e que estaba pendente de tramitarse.
Desta maneira, son as denuncias presentadas ante o Ministerio Público despois de que o xornal 'La Región' difundise, en días sucesivos, transcricións e audios do rexedor ourensán que o ligarían con actuacións supostamente irregulares vinculadas a comisións e concesións do concello.
