Por Europa Press / Redacción | SANTIAGO DE COMPOSTELA | 15/05/2023 | Actualizada ás 11:25
Por cada 100 persoas que están en idade de abandonar o mercado laboral galego contabilízanse 18 que ingresan ao sistema da Seguridade Social, segundo os datos que publica este luns o Instituto Galego de Estatística (IGE).
Ademais, en marzo de 2023, por cada 100 afiliados en alta laboral menores de 40 anos residían en Galicia 222 traballadores maiores desta idade. Os sete grandes concellos, fóra da Coruña e Ourense, presentaban, para este indicador, valores superiores á media.
Así, variaban desde 224,1 no concello de Vigo ata 239,2 en Ferrol. Na Coruña e Ourense o indicador atópase por baixo da media, xa que toma un valor de 209,1 no primeiro caso e 211,9 no segundo.
Nos últimos 12 meses, isto é, de marzo de 2022 a marzo de 2023, o número de cotizantes aumentou nas sete grandes cidades, e o maior incremento experimentárono A Coruña e Santiago, onde o dato subiu un 2,5% e un 2,7%, respectivamente.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.