Por E.P. | SANTIAGO DE COMPOSTELA | 19/05/2023 | Actualizada ás 13:26
A Deputación da Coruña destinou este ano 799.579 euros para o mantemento de centros de servizos sociais da provincia. O Boletín Oficial da Provincia (BOP) publicou este venres a listaxe definitiva das 43 entidades sen ánimo de lucro beneficiarias destas axudas.
Segundo explicou o organismo provincial nun comunicado, as contías outorgadas oscilan entre un mínimo de 3.000 euros e un máximo de 33.000 e irán destinadas ao mantemento destas instalacións.
Centros de día, de rehabilitación psicosocial e laboral, ocupacionais, de acollida, de inclusión social, de menores e vivendas comunitarias son algunhas das institucións que se manteñen a través deste programa provincial.
Doutra banda, a Deputación da Coruña publicou a licitación das obras de construción dun aparcadoiro con 395 prazas na contorna de Balarés, no municipio coruñés de Ponteceso. Esta iniciativa conta cun orzamento de 397.306 euros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.