A Lei de Igualdade situará a Galicia "á vangarda" da nova cultura laboral co foco no sexismo dixital

A futura Lei autonómica de igualdade situará a Galicia, segundo apunta a propia Xunta de Galicia, "á vangarda dunha nova cultura laboral" cun capítulo enteiro dedicado á igualdade de xénero e á dixitalización para "dar resposta aos avances e á transformación tecnolóxica que vive o mercado de traballo".

Así o aseguraba este venres a conselleira de Promoción do Emprego e Igualdade, María Jesús Lorenzana, na clausura do V Congreso Mercadotecnia Dixital - Flúor, que organizou o Clúster de Comunicación de Galicia en Pontevedra, e que reuniu durante dous días a decenas de profesionais e expertos para ofrecer novas ideas e perspectivas sobre a publicidade dixital, social media ou igualdade na mercadotecnia.

Lorenzana reivindicou o novo texto, "que regulará por primeira vez nunha comunidade a sustentabilidade social empresarial para crear contornas igualitarias, equitativos e inclusivos".

A conselleira de Igualdade, María Jesús Lorenzana, nun acto en Lugo | Fonte: Europa Press