Por Galicia Confidencial | Compostela | 12/01/2016 | Actualizada ás 11:30
Rematou o 2015, pero non o que trouxo e o que deixou. Por iso, como se fai xa desde hai 18 anos, a USC inaugura unha nova mostra do que foi o pasado ano en imaxes. E faino baixo o prisma das mellores fotos de Xoán Soler, Álvaro Ballesteros, Sandra Alonso e Merce Ares, todos eles fotógrafos da Delegación de Santiago de La Voz de Galicia.
Un total de 59 instantáneas dan conta do conflito leiteiro e da tractorada que ocupou Compostela, dos xuízos polo caso Asunto ou do Códice Calixtino, das eleccións municipais e o cambio de goberno, de diversas protestas, eventos deportivos de alcance ou incendios forestais, entre moitos temas.
‘Un ano de Voz’ poderá visitarse ata o 13 de febreiro de luns a sábado en horario de 11.00 a 14.00 h. e de 17.00 a 20.30 h. A mostra está organizada por La Voz de Galicia e conta co patrocinio da Universidade de Santiago, a Secretaría Xeral de Medios da Xunta de Galicia e o Concello.
Por iso, na súa inauguración, este martes, non faltarán destacados dirixentes políticos e académicos, entre eles, o reitor da USC Juan Viaño, do vicepresidente da Xunta de Galicia, Alfonso Rueda; do conselleiro de Cultura, Educación e Ordenación Universitaria, Román Rodríguez; o secretario xeral de Cultura, Anxo Lorenzo; o alcalde de Santiago, Martiño Noriega; o director de La Voz de Galicia, José Luís Vilela; e a valedora do Pobo, Milagros Otero, entre outros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.