Deputados e cargos do BNG convértense en refuxiados sirios por unha hora

Os nacionalistas instalan un simbólico campamento no centro da Coruña como protesta pola xestión da crise dos refuxiados, que se suma á retirada da bandeira da UE.

Por Galicia Confidencial | A Coruña | 18/03/2016 | Actualizada ás 17:19

Comparte esta noticia

Había aramios, muros tendas de campaña improvisada e moitos cartaces en contra da política da UE. Era un campamento de mentira que o BNG montou este venres no centro da Coruña para denunciar a situación dos refuxiados sirios e o acordo da UE con Turquía. 

Campamento simbólico do BNG para protestar pola situación dos refuxiados
Campamento simbólico do BNG para protestar pola situación dos refuxiados | Fonte: BNG

Un campamento que, a diferencia dos da fronteira grega, foi montado e desmontado en tempo récord como “acto simbólico de protesta ante o trato inhumano que están recibindo miles de persoas refuxiadas”.  Non era este o campo real, nin de lonxe, no que viven milleiros de sirios en condicións case infrahumanas, “pero imaxinemos o que pode ser un campamento enlamado, no que se pasa frío e fame, e sen as mínimas condicións de dignidade para a vida humana”, explicou a portavoz nacional, Ana Pontón, na coruñesa Praza da Fariña.

“Sentimos vergoña desta Europa que pecha fronteiras ante un drama humanitario que contribuíu a xerar, unha Europa a que non lle importa que haxa miles de persoas morrendo as súas portas, que está a negociar un acordo indigno con Turquía repetindo erros do pasado”, suliñou a deputada nacionalista.

Por iso, o Bloque reclama unha solución urxente a esta crise humanitaria pero tamén demanda un cambio radical na política internacional. “Hai que reformular toda a política internacional, porque detrás deste drama está unha política imperialista practicada tanto polos EEUU como polos países centrais da UE, e temos a obriga de reclamar unha nova orde internacional baseada no respecto polos dereitos dos pobos a vivir en paz”, argumentou Pontón.

A portavoz nacional insistiu en que o Bloque vai seguir do lado “do dereito das persoas, da dignidade, da igualdade e de que non se alimente unha política xenófoba e racista que estamos vemos se estende por unha parte de Europa”, advertiu.

Segundo o BNG, ducias de militantes e simpatizantes sumáronse a este simulacro de campamento de refuxiados no corazón da Coruña, como novo acto de protesta do BNG despois de que a formación nacionalista teña retirado a bandeira da UE das institucións que goberna como medida de repulsa e protesta.

No acto, estiveron, ademais de Pontón, a vicepresidenta da Deputación da Coruña, Goreti Sanmartín ou o Secretario de Organización do BNG, Bieito Lobeira, entre outros cargos.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 3 comentarios

2 Cachamuiña

Unha hora??? Que pasaba tiñan xa o xantar preparado nalgún restaurante de Compostela pra encher o bandullo?

1 A miña opinión

Sexamos realistas, por desgraza este tema non preocupa a case ninguén. Esta semana convocáronse concentracións a favor dos refuxiados en todas as cidades de España. Pasei pola que se realizou na Coruña e alí podía haber 200 persoas. Tendo en conta que A Coruña ten uns 300.000 habitantes, dos que, por certo, unos 15.000-20.000 son extranxeiros, alí non foi nin un de cada mil veciños/as. E no resto do estado pasou exactamente o mesmo. Este tema dos refuxiados, en xeral, non interesa nin aos españois nin aos extranxeiros, nin aos de esquerdas nin aos de dereitas. Polo menos é a impresión que eu teño.

1 beiras e birrias

O BLOQUE fixo o que tiña que facer, outros non fixeron nada, o partido de Birrias en especial, o señorito pacego e menchevique intelectual (non e nada contra vigo), non fixo nin mu, non fixeron nada en ningures o bloque movilizou sectores sociais e chegou a unha opinión publica horrorizada polas imaxes de iraq das matanzas e presecucións do terrrorismo ihadista, esta xente refuxiada non pode ser tratada como mercaduria entre a dirixencia de europa e o cerdogan de turquia, non se respetan os dereitos humans nin as leises de europa... o Blouqe foi conciencia ... os -vierastas e outros perderon o norte son complices de socialdemocratas soamente lles interesan os ministerios, os postiños ben pagados, o caciato ante o feudo, ante o señor e os demais a morrer de fame