Facenda ingresará 447 millóns polas declaración da renda dos galegos

A Axencia Tributaria recibirá 1,3 millóns de rendas e devolverá 148 millóns, oito menos dos 156 da campaña de 2014.

Por Galicia Confidencial | A Coruña | 09/04/2016 | Actualizada ás 09:00

Comparte esta noticia

A Axencia Tributaria (AEAT) en Galicia Facenda espera recibir 1.296.000 declaracións na campaña da Renda 2015, en Galicia, 1.048.000 declaracións da renda individuais e 248.000 conxuntas, coas que ingresará 447 millóns de euros.

Portal telemático no que consultar o prensentar a declaración da renda
Portal telemático no que consultar o prensentar a declaración da renda | Fonte: Ministerio de Hacienda

Do conxunto de rendas, 303.000 serán a favor da AEAT, 925.000 beneficiarán aos contribuíntes e outras 68.000 quedarán a cero. Os pagos sitúanse en 595 millóns, o que supón un saldo a favor dos contribuíntes de 148 millóns de euros, oito menos que os 156 da campaña de 2014.

O pasado mércores, 6 de abril, empezou a campaña telemática da Renda 2015 e este venres comezaron as devolucións do Imposto sobre a Renda das Persoas Físicas (IRPF). Nas primeiras horas da campaña solicitáronse en Galicia 24.609 devolucións por valor de 19,2 millóns de euros, das que xa se acordaron 679 por valor de 0,52 millóns.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta