O día de Osman

Galicia Confidencial introdúcese no campo de refuxiados de Idomeni (Grecia) a través do obxectivo do fotoxornalista galego Miguel Núñez, colaborador freelance do GC. Nesta primeira achega, dunha serie que iremos publicando, o fotógrafo móstranos a Osman, o cativo afgano de 7 anos con parálise cerebral que chegará este martes a España para ser tratado no hospital La Fe de Valencia. Núñez relátanos, coas súas imaxes e coas súas propias palabras, a crúa realidade dos refuxiados aos que Europa rexeita.

Por Galicia Confidencial | Idomeni (Grecia) | 09/05/2016 | Actualizada ás 16:16

Comparte esta noticia

Se os nenos teñen heroes, no caso de Osman son os seus pais. Os seus pais teñen superpoderes. Trouxérono en brazos ata aquí, Idomeni, desde Afganistán. E agora irá voando nunha nave ata Madrd, e logo ata Valencia, para recibir un tratamento que lle salve a vida.

No campo de refuxiados de Idomeni organízase un 'tren de lavado' no que as nais collen número para lavar e desparasitar os seus fillos e recibir roupa limpa e alimentos
No campo de refuxiados de Idomeni organízase un 'tren de lavado' no que as nais collen número para lavar e desparasitar os seus fillos e recibir roupa limpa e alimentos | Fonte: Miguel Núñez.

Todos sabemos que os heroes teñen amigos de carne e óso, e en Idomeni deron con eles os voluntarios estudantes, enfermeiras, traballadores en paro, psicólogos, mecánicos, comadroas, xubilados, médicos, bombeiros... Xente valiosa que achega coñecemento e traballo, que reparten agarimo, que regalan o seu tempo e consideran que o ben mais valioso, o tempo, é dos outros. E piden días nos seus traballos, desprazan as súas vacacións para montar neste páramo un lugar onde repartir cueiros e leite en po, medicamentos e roupa, tendas de campaña, mantas, etc.

A alma de Idomeni é o hospital de campaña, a tenda azul e amarela, a de Bomberos en Acción. E alí, á beira, os pais de Osman plantaron a tenda, onde están mais seguros, onde lles atenden a diario os médicos do campamento.

Os pais de Osman saben que a esperanza está aquí, e saltarán o valo montados no avión que lles traerá a Europa. Parece que é o día de Osman... e da súa  familia.

En Idomeni hai outras moitas familias rotas que agardan o seu día. OPEN THE BORDER.

Bomberos en Acción ergeu unha tenda medicalizada no campo de refuxiados de Idomeni
Bomberos en Acción ergeu unha tenda medicalizada no campo de refuxiados de Idomeni | Fonte: Miguel Núñez.

Un médico atende a unha nai embarazada e o seu fillo no campo de refuxiados de Idomeni
Un médico atende a unha nai embarazada e o seu fillo no campo de refuxiados de Idomeni | Fonte: Miguel Núñez.
Refuxiados de distintos países agardan a ser atendidos na tenda medicalizada que levantou a ONG Bomberos en Acción no campo de Idomeni
Refuxiados de distintos países agardan a ser atendidos na tenda medicalizada que levantou a ONG Bomberos en Acción no campo de Idomeni | Fonte: Miguel Núñez.
Pais cos seus fillos acoden aos médicos no campo de refuxiados de Idomeni
Pais cos seus fillos acoden aos médicos no campo de refuxiados de Idomeni | Fonte: Miguel Núñez.
Bombeiros voluntarios erguen unha estrutura no campo de Idomeni para protexer os refuxiados dos raios de sol
Bombeiros voluntarios erguen unha estrutura no campo de Idomeni para protexer os refuxiados dos raios de sol | Fonte: Miguel Núñez.
Unha médico atende a unha familia de refuxiados en Idomeni
Unha médico atende a unha familia de refuxiados en Idomeni | Fonte: Miguel Núñez.
Osman ten 7 anos, é refuxiado e sofre parálise cerebral, pero non perde o sorriso. En brazos do seu pai chegou a Idomeni dende Afganistán e agora agarda voar a España para ser tratado nun hospital
Osman ten 7 anos, é refuxiado e sofre parálise cerebral, pero non perde o sorriso. En brazos do seu pai chegou a Idomeni dende Afganistán e agora agarda voar a España para ser tratado nun hospital | Fonte: Miguel Núñez.
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta