Xa están á venda os billetes dos trens que substitúen os Alvia a Madrid

Renfe acaba de anunciar que xa están á venda os billetes para viaxar a partir do 9 de xuño polo corredor de Alta Velocidade Galicia - Madrid. Trátase dunha nova oferta con máis trens da serie 106 en circulación, en substitución dos tradicionais Alvia.

O delegado do Goberno en Galicia, Pedro Blanco, reiterara este luns que a venda de billetes no corredor ferroviario de alta velocidade Galicia-Madrid, con mellora dos tempos de viaxe e aumento de número de prazas, sairían á venda "nos próximos días".

Todo iso despois de que o Ministerio avanzase que Renfe disporá de máis trens S106 AVE e Avlo, en substitución dos tradicionais Alvia.