Acepta un ano de cárcere por manosear a unha empregada do seu bar e tratar de bicala na boca
Por Europa Press / Redacción | VIGO | 20/05/2025 | Actualizada ás 11:35
Un home, de 67 anos de idade, aceptou un ano de cárcere por manosear a unha empregada do seu bar e tratar de bicala na boca. Así o fixo nunha vista de conformidade levada a cabo na mañá deste martes na sección quinta da Audiencia Provincial de Pontevedra, con sede en Vigo, onde o home recoñeceu os feitos, sendo condenado tamén a unha orde de afastamento sobre a vítima de 100 metros durante 2 anos e a unha inhabilitación especial para calquera profesión ou actividade vinculada con menores durante 3 anos.
Os feitos ocorreron en maio do ano pasado, cando a empregada chegou ao bar e atopouse co home, que rexentaba o local xunto coa súa esposa. Tras manter unha conversación, o home empezou a tocar á nova, de 21 anos, por detrás, baixando as mans cara ás nádegas "co fin de satisfacer os seus desexos libinidosos e atentar contra a liberdade sexual" da muller.
Tras darlle varios bicos nas fazulas, ela tentou esquivalo, aínda que el tratou de abrazala e bicala nos beizos. Finalmente a moza evitouno, empuxouno e foise do local, chamando ao 112. Por estes feitos, o home foi condenado a un ano de cárcere por un delito de agresión sexual, coa atenuante de reparación do dano.
