Hospitalizada unha persoa logo de quedarlle atrapada unha man nunha máquina en Boiro
Os mecánicos da empresa liberaran a man da vítima.
Por E.P. | SANTIAGO DE COMPOSTELA | 27/05/2025 | Actualizada ás 18:54
Unha persoa foi trasladada ao complexo hospitalario universitario de Santiago (CHUS) tras quedarlle atrapada unha man nunha máquina no polígono de Espiñeira, no municipio de Boiro.
Os bombeiros do parque provincial desta localidade foron avisados esta tarde do suceso. Xa no lugar, os mecánicos da empresa liberaran a man da vítima.
Por iso, os bombeiros procederon á inmovilización da extremidade cunha vendaxe compresiva. Tras isto, a persoa foi trasladada ao Hospital Clínico Universitario de Santiago nun helicóptero medicalizado.
Na actuación, informa o Consorcio Provincial Contraincendios, interviñeron tamén a Policía Local, a Garda Civil, Protección Civil, o 061 e médicos da PAC.
