Un de cada tres graos universitarios públicos en Galicia xa quedou completo tras o primeiro corte
As titulacións que pecharon coa nota de corte máis alta volveron a ser, como todos os anos, o dobres grao en Matemáticas e Física (13,458) e en Enxeñaría Informática e Matemáticas (13,113), ambos pola USC. Séguelles Medicina na USC (12,953) e Aeronáutica na UVigo (12.865).
Por Europa Press / Redacción | SANTIAGO DE COMPOSTELA | 08/07/2025 | Actualizada ás 14:03
Un terzo dos graos que ofertan as universidades públicas galegas --69 dun total de 194-- xa están completos e non aceptan máis alumnos despois do primeiro chamamento á matrícula que realizou este martes a Comisión Interuniversitaria de Galicia (CiUG).
A maioría das carreiras que xa están pechadas atópanse na Universidade de Santiago de Compostela (USC), con 51 --o 77,27 % do total que oferta--. Na da Coruña (UDC), as que están ao completo son 18 --o 32,72 %--. Mentres tanto, na Universidade de Vigo (UVigo) aínda hai prazas libres en todos os seus graos, posto que ningún quedou pechado con este primeiro chamamento.
Os alumnos que resultasen convocados nalgunha destas titulacións terá de prazo desde as 00.01 horas deste mércores ata as 23.59 horas do xoves para formalizar a matrícula. As titulacións que pecharon coa nota de corte máis alta volveron a ser, como todos os anos, o dobres grao en Matemáticas e Física (13,458) e en Enxeñaría Informática e Matemáticas (13,113), ambos pola USC. Séguelles Medicina na USC (12,953) e Aeronáutica na UVigo (12.865).
