Por Galicia Confidencial | Vigo | 27/06/2016 | Actualizada ás 11:39
O Partido Animalista contra o Maltrato Animal (Pacma), consolídase xa como sexta forza en Galicia. Pacma obtivo na comunidade galega este 26 de xullo algo máis de 16.600 papeletas, 3.000 máis que o pasado decembro e alcanzou en torno ao 1,1% dos sufraxios.
O pasado 20 de decembro obtivera 13.523 papeletas a favor e o 0,82% dos sufraxios. De feito, esta formación é, xunto co Partido Popular, a única que subiu en número de votos nas eleccións xerais deste domingo, cuns 3.000 apoios máis e ascensos nas sete grandes cidades, onde superou amplamente o 1% dos votos.
De feito, nalgunhas delas, como en Vigo, o Pacma estivo moi preto do BNG. Nesta urbe obtivo case 2.400 votos e o 1,43% de porcentaxe, fronte aos 3.300 do BNG que obtivo unha porcentaxe dun 1,97%.
O Pacma consolídase xa como a sexta forza política galega, moi por enriba doutras formacións como Recortes Cero-Grupo Verde (uns 3.760 votos), Comunistas de Galiza-PCPE (uns 1.650 votos), Vox (algo máis dun milleiro), UPyD (menos de 1.000), Escanos en Branco (sobre 700) e SAIn (uns 400).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.