Foz prepárase para o seu primeiro Why Not Here Fest de música para o cambio social
O festival contará, entre outros, con Siniestro Total, Soziedad Alkoholica, Macaco, Def Con Dos, Loquillo, Mago de Oz e Reincidentes. As datas: 11, 12 e 13 de agosto.
Por GC Tendencias | Foz | 09/08/2016 | Actualizada ás 12:13
Foz prepárase para tres días de música con grupos variados chegados de toda España e de América do Sur, e cunha mensaxe: a música pode facer mudar a sociedade. Será no Why Not Here Fest, un festival que se presenta na súa primeira edición como un evento para promocionar esta localidade luguesa pero tamén para contribuír ao cambio social.
O Why Not Here Fest celébrase os días 11, 12 e 13 de agosto e conta cun variado cartel de artistas que, segundo a organización, comparten todos un compromiso social nas súas letras a prol dos cambios sociais e unha crítica á sociedade consumista, "bandas que coas súas letras denuncian a tolemia xeralizada dun sistema que non funciona".
Serán 26 bandas e artistas os que pasarán polo escenario escenario de 18 metros do festival, que conta ademais con zona de acampada (incluída no prezo) con todos os servizos, zona de mercado, con artesanías, tatuaxes e postos de comida variada.
Entre os músicos estarán Siniestro Total, Soziedad Alkoholica, Macaco, Def Con Dos, Loquillo, Mago de Oz, Reincidentes, Abuela Coca, Reytoro, Once Tiros...
Tamén, e para favorecer a participación de familias, haberá actividades para nenos de ata 12 anos para potenciar a súa autonomía e creatividade desde o xogo e a aprendizaxe. As actividades adaptaranse dependendo das idades dos participantes e os pais e nais poderán acompañalos se queren.
O abono para os tres días custa 56 euros e o billete para cada xornada, 25 euros o xoves 11 e 30 euros o venres e o sábado.
HORARIOS
| Xoves 11 | Venres 12 | Sábado 13 | |||||
| 16:00:00 | Comparsa Local | 16:00:00 | Tarascada | 16:00:00 | Antibanda | ||
| 17:00:00 | Festicultores | 16:50:00 | Deville | 16:50:00 | Escuela de Odio | ||
| 18:00:00 | Pelado Guru | 17:45:00 | Ciclonautas | 18:00:00 | Dakidarria | ||
| 18:50:00 | Gonzalo Brown | 18:55:00 | Def Con Dos | 19:00:00 | Reincidentes | ||
| 19:40:00 | La Desbandada | 20:15:00 | Snake | 21:00:00 | Once Tiros | ||
| 20:30:00 | El Sombrero del Abuelo | 21:15:00 | Loquillo | 22:30:00 | Soziedad alkoholika | ||
| 22:00:00 | Macaco | 23:15:00 | Reytoro | 00:30:00 | Siniestro Total | ||
| 00:00:00 | Abuela Coca | 00:30:00 | Mago de Oz | 01:50:00 | Pussycat Kill | ||
| 01:05:00 | El Chamuyo | ||||||
| 02:05:00 | Arrhythmia |
PUNTOS DE VENDA EN LIÑA
PUNTOS DE VENDA FÍSICOS
Foz
THE BEAST MASTER STUDIO
Calle cervantes 17 bajo
Coruña
666 pub
Calle socorro 16 bajo
Burela
Hotel Palacio de Cristal
Avenida de Arcadio Pardiñas, 154
Viveiro
Viveiro Tattoo Estudio
Juan Navia Castrillón, 14 bajo derecha
E tamén a través de Ticketmaster en Fnac, Carrefour e Halcón Viajes.
