Veciños no incendio en Arbo: “Mira como se nota que é combustible”

Un vídeo mostra a orixe de varios focos de lume que ían prendendo un tras outro.

Por Galicia Confidencial | Arbo | 11/08/2016 | Actualizada ás 16:31

Comparte esta noticia

Un vídeo compartido por un veciño de Arbo podería servir como indicio da intencionalidade humana dalgúns dos incendios que están arrasando principalmente o sur de Galicia estes días. 

Varios focos de lume en Arbo
Varios focos de lume en Arbo | Fonte: Lito Arbo.

O incendio de Arbo permanece activo dende as 20.23 horas do mércores tras declararse na parroquia de Mourentán, segundo os datos da Consellería do Medio Rural, que sitúa a superficie afectada nunhas 500 hectáreas.

No lugar traballan, segundo a información de Medio Rural, un técnico, 12 brigadas, oito motobombas, unha pa e un helicóptero. Ademais, a Xunta activou a alerta denominada 'situación 2' por proximidade do lume a vivendas.

Veciños de Arbo puideron presenzar, in situ, a orixe de focos diversos de lume que ían prendendo un tras outro. Nun momento determinado, sorprendidos polo que está acontecendo, un deles di: "Mira como se nota que é combustble", ao que outro responde: "Á parte, no medio do eucalipto".

Segundo Aprafoga —Asociación Profesional dos Axentes Forestais e Medioambientais de Galiza—, á vista do gravado no vídeo, "a orixe pode ser provocada; a secuencia do vídeo reflicte propagación por focos secundarios".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 4 comentarios

3 anonimo

Sin duda el incendio esta provocado! Que pena que a la gente no le interesa quien y porque lo hizo!

2 tantux

Por certo. Do que se mira, só creer a mitade, e arriscamos...

1 tantux

Mas semella que non é certo. Según un traballador de Tragsa é o vento por convección, que traslada o lume de un lugar para outro...

1 José

Dicir que foi o vento o que provocou os focos de lume e a súa combustión tan rápida, é de risa e estar moi lonxe do que realmente pasou. As imaxes non deixan lugar a dúbidas.