A Sociedade Galega de Ornitoloxía lanza unha aplicación para realizar contaxes de aves

Bird Counter, dispoñible para dispositivos Android, permite compartir os avistamentos por correo electrónico e redes sociais e na nube.

Por Galicia Confidencial | Santiago de Compostela | 28/09/2016 | Actualizada ás 16:32

Comparte esta noticia

A Sociedade Galega de Ornitoloxía (SGO) vén de presentar a aplicacón móbil Bird Counter, dispoñible para dispositivos Android. Trátase dunha ferramenta para realizar contaxes de aves en censos, transectos e saídas ao campo, permitindo contar sinxelamente ata cinco especies e compartir despois as observacións por distintos medios.

Bird Counter, aplicación móbil para realizar contaxes de aves.
Bird Counter, aplicación móbil para realizar contaxes de aves.

Bird Counter permite ao usuario levar a conta das aves que avistou. Para iso, hai que asignar un botón a cada ave que se conte e, sen quitar laavista dos prismáticos ou do telescopio, premer o botón correspondente á especie identificada.

Cando se remata a observación, os avistamentos ordéanse e poden ser gardados na nube ou compartirlos por correo electrónico e redes sociais, gardando un rexistro dos censos nos que se participe.

Na pantalla de axustes pódese cambiar o idioma entre galego, castelán e inglés, e o número de especies que se contarán, desde unha até cinco.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta