BNG e EH Bildu acusan a España ante a UE de “vulneración de dereitos” pola ilegalización de Causa Galiza

A coalición electoral 'Os pobos deciden' acusa a España da "ilegalización de grupos políticos e a persecución policial, económica e administrativa de protestas populares".

Por E.P. | SANTIAGO DE COMPOSTELA | 30/09/2016 | Actualizada ás 13:54

Comparte esta noticia

A coalición electoral 'Os pobos deciden', formada polo BNG e EH Bildu, denunciou ante a Comisión da Unión Europea a "vulneración de dereitos" por parte do Estado español ao ilegalizar a organización política Causa Galiza.

Manifestación en contra da ilegalización de Causa Galiza
Manifestación en contra da ilegalización de Causa Galiza | Fonte: @Causagaliza

Nunha pregunta escrita enviada polo eurodeputado de EH Bildu Josu Juaristi, a coalición recorda que Causa Galiza foi ilegalizada pola Audiencia Nacional despois de que nove dos seus militantes fosen detidos.

Ao respecto, censuran o "déficit democrático" de España coa "ilegalización de grupos políticos, a persecución policial, económica e administrativa de protestas populares" ou a "utilización da violencia policial nas manifestacións", cuestións que, para a coalición, "vulneran a Carta de Dereitos Fundamentais de Europa".

Pola súa banda, o colectivo independentista Procesadas Jaro, no que se inclúen as persoas procesadas na causa aberta, asegurou confiar en que "esta iniciativa a nivel internacional sirva para dar a coñecer a gravísima vulneración de dereitos" da que son obxecto.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta