Os primeiros cristiáns de Galicia, na Lanzada?
É unha das hipóteses coas que traballa o equipo arqueolóxico tras os datos e os materiais atopados nos dez esqueletos exhumados.
Por Galicia Confidencial | Compostela | 20/10/2016 | Actualizada ás 11:46
As escavacións da Lanzada poden supoñer toda unha revolución no estudo da arqueoloxía en Galicia, sobre todo, se se confirman distintas hipóteses sobre os esqueletos de sete nenos, dous mozos e unha muller adulta aparecidos ate agora. A súa orientación e o feito de que foran enterrados en caixas e sen axuar funerario podería indicar que se tratarían dos primeiros cristiáns dos que se ten coñecemento en Galicia e, mesmo, do Estado.
Esta é unha das hipóteses que ten o arqueólogo da Deputación de Pontevedra, Rafael Rodríguez, coordinador desta campaña, que tamén salienta nunha entrevista en Historia de Galicia a importancia deste sitio arqueolóxico que puido ser un gran emporio comercial.
