Detidos dous presuntos xihadistas do DAESH na Coruña

A Garda Civil detivo esta madrugada a catro presuntos xihadistas na Coruña e Almería pola súa integración en redes de inmigración utilizadas polo grupo terrorista Estado Islámico (DAESH) e que á súa vez, segundo o Ministerio do Interior, estaban relacionados con dous terroristas detidos en Austria que accedían a Europa a través da illa grega de Leros. 

A operación, desenvolvida pola Xefatura de Información da Garda Civil, baixo a dirección do Xulgado Central de Instrución Número 2 e a Fiscalía da Audiencia Nacional, permitiu a detención este luns pola mañá de dúas persoas nas localidades coruñesas de Arteixo e Tufions-Vimianzo e a outras dúas en Almería.