Denuncian suposto acoso laboral do coordinador de vixilancia da refinaría de Repsol na Coruña
A Federación de Traballadores de Seguridade do sindicato USO anuncia accións legais e sindicais por presunto delito contra os traballadores.
Por Galicia Confidencial | A Coruña | 08/02/2017 | Actualizada ás 11:36
O sindicato USO denunciará o coordinador do servizo de vixilancia da refinaría de Repsol na Coruña por suposto delito contra os traballadores.
A Federación de Traballadores de Seguridade do sindicato USO anuncia que iniciará accións legais e sindicais contra o responsable dos vixiantes de seguridade do complexo petro-químico coruñes.
"As continuas queixas sobre as formas de proceder e actuar cos traballadores deste coordinador" puxeron ao sindicato "en alerta por un posible caso de acoso laboral", que "finalmente ademais de proceder activando o protocolo acoso interno da empresa adxudicataria do servizo de seguridade", emprenderán accións legais ao "atopar indicios dun suposto delito contra os traballadores", explican.
