13 anos de prisión para o ex-número 3 do PPdeG
Pablo Crespo é un dos condenados a cárcere na primeira sentencia dos numerosos preitos ao fío da Operación Gürtel.
Por Galicia Confidencial | Valencia | 10/02/2017 | Actualizada ás 10:10
Os líderes da trama Gürtel --Francisco Correa, Álvaro Pérez e Pablo Crespo-- acaban de recibir a súa primeira condena xudicial. Os que foran os fontaneiros das campañas electorais do PP son condenados a penas que oscilan entre os 12 e os 13 anos de prisión na peza 3 do caso relativa a irregularidades en contratacións da feira Fitur entre os anos 2005 e 2009.
Así, Francisco Correa e Pablo Crespo foron condenados polo Tribunal Superior de Xustiza da Comunitat Valenciana (TSJCV) a máis de 13 anos, mentres que Álvaro Pérez 'El Bigotes', a máis de 12.
Pola súa banda, Milagrosa Martínez, exconselleira 'popular' de Turismo e expresidenta das Corts Valencianes, foi condenada a 9 anos de prisión polos delitos de prevaricación, malversación e suborno pasivo.
Crespo foi secretario de organización do Partido Popular de Galicia durante varios anos. Cando se mudou a Madrid comezou a traballar na organización das campañas electorais do PP por todo o Estado, incluída Galicia.
