Por Galicia Confidencial | Vigo | 01/03/2017 | Actualizada ás 11:36
A vespa velutina tamén se asentou nas Illas Cíes. A especie asiática invasora, que ameaza a supervivencia das especies autóctonas, foi detectada en diversos puntos do Parque Nacional, polo que foi necesario poñer en marcha un plan para erradicala deste espazo natural.
O organismo público que xestiona o Parque Nacional Marítimo Terrestre das Illas Atlánticas de Galicia publicou varias imaxes e un vídeo do traballo que están a realizar varios axentes ambientais nas Cíes para eliminar este insecto de orixe asiática retirando os seus niños.
A ameaza deste insecto invasor acendeu as alarmas en Galicia. Só durante o pasado ano técnicos da Consellería do Medio Rural retiraron máis de 8.500 niños de vespa velutina, unha cifra que supera amplamente aos retirados o ano anterior.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.