Ofensiva do PSOE contra o futuro líder de NN.GG., ao que comparan cun “camisa azul”

Xuventudes Socialistas de Galicia e Juventudes Socialistas acusan a Diego Gago de apoiar a dictadura do "fascista Franco" por non querer condenar o seu golpe de Estado.

Por E.P. | Santiago de Compostela | 08/03/2017 | Actualizada ás 09:00

Comparte esta noticia

Primeiro foron as Xuventudes Socialistas de Galicia (XSG) e despois a súa homóloga estatal, Juventudes Socialistas, as que este martes lanzaron duras críticas contra o futuro líder de Nuevas Generaciones do PP, Diego Gago, por "non condenar o golpe do fascista Franco".

Diego Gago, de Novas Xeracións, futuro líder de Nuevas Generaciones do PP
Diego Gago, de Novas Xeracións, futuro líder de Nuevas Generaciones do PP

Así, a formación galega denunciou que se "condecore" a Gago polo seu apoio ao dictador. Nun comunicado, o secretario xeral das XSG, Aitor Bouza, advertiu que Gago "pretende importar o modelo machista de Baltar, rancio e tradicional de Mariano Rajoy, e de amizades de Alberto Núñez Feijóo nas Novas Xeracións de España".

Pouco despois era o secretario xeral de Juventudes Socialistas, Nino Torre, o que lle lembrou as súas declaracións nas que obviaba que a Guerra Civil foi provocada por un golpe de estado e afirmaba que foi consecuencia da confrontación social, criticando ademais a política de exhumacións.

"Asusta coñecer que o futuro de Novas Xeracións pasa pola negación do pasado. Por unha persoa que manipula as causas da época máis lúgubre e funesta da nosa historia recente e que despreza, desa maneira, tanto aos que foron asasinados pola ditadura franquista como ás súas familias, que seguen esperando dignidade", asegura Nino Torre nun comunicado.

Por iso, dixo que lle preocupa que o supostamente próximo presidente de NNGG "non sexa capaz de condenar o golpe de estado de Franco, algo máis propio dos mozos de camisa azul que de calquera mozo demócrata".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Alberte

Estades todos, PSdeG e PPdeG no mesmo teatro. Que si ún é máis democráta, que si o outro é máis reaccionario. Que si os do PSOE escoitan a CREDENCE e os do PP a Manolo Escobar...hoxendía nin vós vos credes iso. Agora ROCK FM é da COPE e a Cadena Ser é un imperio que só pensa e actúa para estar no poder. Así que seguide ladrando. NInguén que tenha un mínimo de sesos, non vos vai facer caso.