Por Galicia Confidencial | A CORUÑA | 25/04/2017 | Actualizada ás 12:32
Actividades "cívico-militares" dirixidas a menores: paso de aramado, simulación de lanzamento de granadas, tiro con pistola simulada, paso de obstáculos... Un ano máis, as Forzas Armadas volven 'chamar a filas' a nenos e nenas menores de 14 anos nunha xornada enmarcada nos actos de celebración do Día das Forzas Armadas 2017, que terá lugar o 20 de maio no parque de Bens, na Coruña.
Actividaes como o tiro, ponte mono, paso de obstáculos, posto de camuflaxe e lanzamento de precisión son algunhas das prácticas programadas para os cativos na chamada Carreira de Orientación Infantil que o Cuartel Xeral da Forza Loxística Operativa organiza na capital coruñesa, a través da Federación Galega de Orientación (Fegado) e o Club de Orientación Coruña (C.O.CO).
Os cativos terán que superar unha serie de probas especiais deseñadas polos militares, sobre unha distancia aproximada entre 1.000 e 1.500 metros e en base a unha volta a un percorrido de balizas de control, segundo informa o Cuartel Xeral da Forza Loxística Operativa.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.