Vigo acolle este xoves un curso de 'coaching' executivo e liderado

Este xoves día 11 de maio a aula UNED de Vigo acollerá o seminario 'Especialidade en coaching executivo aplicado aos recursos humanos'. Esta actividade, que terá unha carga lectiva de tres horas, será impartida pola psicóloga e coach da Escola Europea de Líderes Raquel Barreiro.

Segundo indicou a UNED nun comunicado, o seminario, dirixido a profesionais do ámbito empresarial, ten como obxectivo que o alumno adquira novas habilidades comunicativas e dotes de liderado, desenvolvendo, ademais, unha serie de ferramentas prácticas que lle axuden a mellorar o seu rendemento e a aumentar a súa eficiencia e produtividade a través dunha metodoloxía práctica e vivencial.

O curso desenvolverase presencialmente nas instalacións da aula Universitaria este xoves 11 de maio de 17 a 20 horas, e terá un prezo de matrícula de 35 euros.

No entanto, para alumnos da UNED, estudantes con discapacidade, membros de familia numerosa e persoas desempregadas, o custo de inscrición será de 25 euros.

Os interesados poden inscribirse no curso a través da páxina web da UNED-Pontevedra.