A xira SON Estrella Galicia presenta a Los Deltonos este venres e sábado en Ferrol e A Coruña

Los Deltonos actuarán este venres e sábado en Ferrol e A Coruña, respectivamente, dentro da xira SON Estrella Galicia, segundo informa a organización.

Desta formación, os promotores de ambos os concertos subliñan a evolución "disco a disco" deste grupo, formado en Cantabria en 1986.

Tamén subliñan a incorporación de estilos próximos ao funk, o Power Pop "ou os toques sureños sen afastarse do estilo americano pero mantendo un son característico marcado pola guitarra de Hendrik Röver e as súas composicións propias en castelán".

O grupo comezou sendo un trío, con Hendrik Röver como único guitarrista, ademais de baixo e batería. Tras varios cambios na súa formación só Röver segue no grupo desde a fundación do mesmo. Desde a gravación de 'Sólido', son catro os compoñentes coa incorporación de Macaya como guitarrista.