O Xulgado arquiva a causa do edil Jorge Duarte sobre os locais de lecer en Compostela

Admite que a paralización de expedientes por falta de firma "xerou unha situación administrativa difícil", pero rexeita trato de favor e non apreza delito de prevaricación.

Por E.P. | Santiago de Compostela | 15/05/2017 | Actualizada ás 14:02

Comparte esta noticia

O Xulgado de Instrución Número 1 de Santiago de Compostela arquivou a causa contra o concelleiro compostelán Jorge Duarte sobre os expedientes de locais de lecer nocturno ao non apreciar trato de favor e considerar que non houbo "un delito de prevaricación" na súa actuación.

Jorge Duarte
Jorge Duarte | Fonte: Europa Press

Así o sinala o auto, no que a maxistrada conclúe que "debe recoñecerse que a paralización dos expedientes por falta de firma do señor Duarte xerou unha situación administrativa difícil para o persoal funcionario implicado, que puido superarse con axilidade se o concelleiro optase por dar instrucións claras e vinculantes sobre as cuestións técnicas coas que discrepaba con aqueles, harmonizando a tramitación dos expedientes".

Pero tamén considera a maxistrada Ana López-Suevos que "é certo que a súa negativa a asinar as propostas de resolución non foi froito da arbitrariedade do desentendemento da problemática existente, dunha actuación de desviación de poder ou dun afán de outorgar mellor trato a uns locais fronte a outros".

Así, "se a decisión de encargar a realización dunhas instrucións escritas fose anterior no tempo", evitaríase "a demora e a caducidade de expedientes", afirma a maxistrada.

Neste sentido, alega que "o certo é que esas instrucións foron finalmente redactadas e aprobadas e evidencian que o denunciado si procuraba uniformizar e axuntar criterios e acabar coa inseguridade xurídica que, ao seu xuízo, apreciaba na tramitación dos expedientes sancionadores".

ACERTO OU DESACERTO

Por iso, a xuíza conclúe, así mesmo, que non lle corresponde "valorar o acerto ou desacerto político da actuación do señor Duarte". "Pero si nos compete concluír que o conxunto de todas as dilixencias analizadas lévanos a descartar que cometese un delito de prevaricación", engade.

Deste xeito, a maxistrada sentencia que "non concorreu na súa actuación o dolo directo propio de tal infracción penal" por prevaricación, polo que acorda o sobresemento provisional das actuacións.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 11 comentarios

5 LKI

Suben as Mareas municipalistas nas enquisas e agora arquivan este despropósito. Son días duros para os trols do BeNeGá como o Kollona, os Benito´s & cía. Ten que ser frustrante para esta grea de chivatos comprobar como o seu "traballo" de desprestixio e acoso non serve para alsolutamente nada. Por min, que sigan.

4 Desiderio

Mala noticia para a Kollona de Lugo

3 Kollontai luguesa

O de xerar unha " situación administrativa difícil" xa é a marca do goberno das mareas nas cidades rebeldes... Pero non pasa nada, o relevante para os fans das mareas e que soben... Porque baixa o PSdG, non porque eles representen cambio algún! De verdade, é admirable o tesón con que se aferran os seus electores a uns alcaldes que eles mesmos, a teor das enquisas e da vox populi, valoran moi negativamente... Eu creo que é o nihilismo galaico mesturado cuns medios de comunicación aliados na capetal e o odio sementado por moitos dos integrantes das mareas cara o bloque... Que tampouco vou dicir que non estea algo ou bastante gañado a pulso! Pero en verdade, o bloque non se merece que non lle deades máis oportunidades que en Pontevedra. Se vos interesades algo pola cuestión veredes que moitas das vilas por eles gobernadas (malia os erros históricos e inesquecibles de desgoberno que alcanzaron nalgúns lugares) son hoxe un modelo de xestión. E que dicir xa de Pontevedra?

1 Abrairas

Mala noticia para os que apoian as touradas en Pontevedra; Os da UPG

2 comunista independentista

O Bloque tivo moitas oportunidades, Kollona. Gobernou Ferrol, gobernou Vigo... e decepcionou moito á xente. Cogobernou a Xunta e o resultado foron as maiorías absolutas de Feijóo. As que sí merecen unha oportunidade son todas estas Mareas ás que se lle poñen tantos obstáculos dende o auténtico Poder, e a xente coma tí (comesta polo odio sectario), non llela dades.

3 Kollontai luguesa

Xa che dixen que agotei o tempo de resposta a imberbes seudoesquerdistas... Pero mira, iso xa está admitido no meu comentario (ou é que tampouco de comprensión lectora andas ben) e lémbroche que moitas das figuras daqueles gobernos figuran hoxe nas Mareas.... A ver se ese era un dos problemas.

4 Kollontai luguesa

Vouche recomendar un libro para que te ilustres un pouquiño e sexas capaz de elaborar algún argumento propio máis ala da etiquetaxe e a descualificación: http://www.lavanguardia.com/lacontr... Afirma na entrevista Soto Ivars "Etiquetar es clave en la poscensura: “No leáis a este porque él es (etiqueta)”. Y quedas indefenso.". Etiquetar é o que facedes comigo un día e outro. Segue afirmando "Ofenderte es legítimo, pero no te conviertas en un pajillero de la indignación." Así que esquéceme. Eu non che vou volver a contestar mentres persigas, ti e outros, o meu linchamento mediático que só revela a túa incapacidade de argumentar. Que teñas sorte!

2 15emerosDondeEstáis

Gran noticia para la parte de la ciudad que se dedica a amargarle las noches al resto. Supongo que no la leeré en Praza Pública, el periódico de CA, porque tampoco informó de la imputación en su edía

1 Kollontai luguesa

E non teredes algo de culpa os composteláns por votar o que votades... Por que non esixides solucións claras aos candidatos e actuades en consecuencia. A verdade é que eu antes era unha visitante asidua da cidade, pero agora estou agobiada por ese carácter de cidade-parquetemático que ten... Francamente non vexo un modelo de cidade por lado algún, coma hai en Pontevedra ou coma noutrora houbo con aquel grande alcalde que foi Xerardo Estévez.

2 Kollontai luguesa

Pero se os compolsteláns vos empeñades en elixir alcaldes coma os dous últimos, quen vos ten a culpa? As queixa dádellas a Martiño. Coincido no do carácter partidista de gran parte dos medios en galego, aínda que hoxe se pode ler unha entrevista interesante a un político, que malia estar nas miñas antípodas ideolóxicas eu respecto e que quizais non sería mal alcalde para Compostela... Eu preferiría un partido de esquerdas, pero despois do que visto... http://www.sermosgaliza.gal/articul... E polo demais, Galicia precisa de todos os galegos para saír cara adiante e buscar un futuro económico sostible que permita aos máis novos vivir sen emigrar coma os avós e as avoas. Claro que despois de escribir isto, xa che direi que cousiñas máis bonitas me vai escribir a miña alegre trouppe de "linchadores mediáticos"... Que país!

1 Shin Chán

Vaya, mala noticia para Ana Pontón e o PP.