Laza rexistra un terremoto de 3,1 graos na escala de Richter

O municipio ourensán de Laza rexistrou á primeira hora da tarde deste martes un terremoto de 3,1 graos na escala de Richter, segundo os datos do Instituto Xeográfico Nacional.

En concreto, o sismo rexistrouse ás 13,54 horas deste martes 23 de maio en Laza, con epicentro a uns doce quilómetros de profundidade, segundo a información do Instituto Xeográfico Nacional.

O CAE 112 Galicia tivo coñecemento deste movemento sísmico vía fax, pero fontes do servizo de emerxencias confirmaron que non constan avisos sobre incidencias relacionadas con este terremoto na provincia de Ourense.