Feijóo dille non a Villar Mir
O empresario, investigado por financiar ilegalmente ao PP, non poderá vender por separado as súas hidroléctricas, como pretendía Ferroatlántica coa oposición de traballadores e forzas políticas da Costa da Morte.
- O BNG atribúe á mobilización social e política o rexeitamento á venda "ilegal" das centrais de Ferroatlántica
- O alcalde de Dumbría (A Coruña), satisfeito coa decisión sobre Ferroatlántica, pero chama ao diálogo
Por E.P. | SANTIAGO DE COMPOSTELA | 26/07/2017 | Actualizada ás 16:10
A Xunta denegou a solicitude de Ferroatlántica para segregar as actividades industriais e enerxéticas e así poder vender as centrais hidroeléctricas que explota na Costa da Morte, dos ríos Xallas e Grande.
A Xunta, a través de Augas de Galicia, tiña a última palabra sobre a segregación defendida por Ferroatlántica nos seus negocios hidroeléctricos. Este mércores informou aos alcaldes e aos representantes dos traballadores de que esta petición non cumpre cos requisitos necesarios que fixa a lexislación.
Foi o propio presidente da Xunta, Alberto Núñez Feijóo, quen comunicou esta decisión por teléfono a alcaldes da comarca, mentres que o conselleiro de Industria, Francisco Conde, foi o encargado de trasladarllo ao comité de empresa.
