Volve a calor a Galicia
A fin de semana os termómetros superarán os 30º na maior parte do país.
Por Galicia Confidencial | Vigo | 10/08/2017 | Actualizada ás 14:15
Logo da baixada de temperaturas desta semana por mor dunha bolsa de aire frío, Galicia volve recuperar as temperaturas propias do verán. Será a partir desta fin de semana, cando se superen os 30º en moitos punto do país.
As temperaturas xa comezaron a subir este xoves. Vigo e Pontevedra achegaránse aos 30º, mentres que en Ourense non superará os 27 e Compostela quedará en 22. Con todo, o anticiclón instarase definitivamente este venres, con temperaturas que irán subindo a medida que avance o día, sobre todo, no sur.
En Vigo chegaranse ao 27 graos, en Pontevedra a 29, 31 graos terán en Ourense, 25 en Lugo e 23 na Coruña. O sábado, Vigo estará a 30 graos, o mesmo que en Pontevedra, 32 terán en Ourense, e 27 en Santiago.
