Cataluña entra na historia da democracia
Cataluña está a piques de entrar na historia se non o fixo xa. O proceso catalán cara a independencia, a sempre polémica folla de ruta, está a vivir esta fin de semana as súas últimas horas. Semella quen o Estado español a verdadeira transición, xógase a unha soa carta: Barcelona. Unha crónica do noso enviado especial, Alberte Romo.
Por redaccion | Barcelona | 01/10/2017 | Actualizada ás 09:06
No porto varios transatlánticos acollen a milleiros de policías e aínda así a cidade está tranquila. A dobre vida diaria, de cidadán que traballa e fan vida "normal" e a do turista de paso, continúa como se nada.
"Votaremos mañá", asegura unha muller maila súa filla que nos atende nun dos poucos comercios que aínda non sucumbiron á entrada de investimento asiático. "Quero que a miña neta viva este momento histórico". É a sensación de que estamos diante unha data histórica.
Volver ao colexio
O sábado amenceu cos colexios ocupados por veciñas é veciñas, pais é nais que, logo do chamamento urxente de varias entidades, durmiron esta noite e ata mañá no que será un colexio electoral o 1 de outubro. "Defendemos o noso", explica unha das mulleres que fai café para todo o grupo, "queremos decidir o noso futuro, non que decidan por nós". Ao longo de todos o dia de hoxe estes centros mantiveron actividades abertas a todo o mundo e nin os mossos foron quen de cumprir as ordes da fiscalía. Agora mesmo, cando escribo esta crónica, continúan a protexer algo moi valioso: o seu propio dereito á autodeterminación.
Resposta españolista
Pola mañá a unha tímida concentración españolista na Praza de Sant Jaume seguiulle unha manifestación ultra de case 3.000 persoas que paralizou por momentos a Vía Laietana. Con berros de "Puigdemont a prisión" e cánticos españolistas encheron unha parte da praza que acolle as dúas cidades da cidade e do país: o Concello e o Palau de la Generalitat. Os presentes viñan de varios lugares de Catalunya mais tamén de fóra nunha concentración que rematou con incidentes cando quixeron retirar unha pancarta co lema "Máis democrácia".
Xornada decisiva
A noite do sábado ao domingo e a do propio domingo marcarán o destino catalán. Ás redes sociais informaron de que os efectivos policiais do Porto de Barcelona comezaban a "desembarcar" na cidade. A zona máis céntrica e ao tempo máis achegada segue en calma. Ainda asi parte da poboación admite ter medo. "Hoxe baixo moito a clientela" sinala Anxo, un emigrante ourensán propietario dun bar en Drassanes, "non sabemos o que hai pasar". Nunhas horas teremos a resposta.
