Por Galicia Confidencial | Santiago de Compostela | 03/10/2017 | Actualizada ás 13:54
A Universidade de Santiago (USC) destaca como a segunda universidade no Estado con maior número de iniciativas de voluntariado, un total de 160 programas nos que colaboran 2.668 alumnos/as das ramas de Ciencias Sociais e Xurídicas, Ciencias e Ciencias da Saúde, principalmente. Así o apunta o quinto estudo sobre voluntariado impulsado pola Fundación Mutua Madrileña e á fronte do que se sitúa a universidade Girona con 178 proxectos nos que participan 1.532 estudantes.
Segundo o mesmo estudo, a institución compostelá sobresae igualmente como a segunda que conta co maior número de estudantes que participan en programas fundamentalmente centrados en axuda á infancia, anciás e colectivos en risco de exclusión social. A Universidade CEU San Pablo lideraría a clasificación de alumnado voluntario, con 4.500 persoas.
No V Estudio sobre Voluntariado Universitario da Fundación Mutua Madrileña participaron 40 universidades e 64 ONG. A análises realizouse con motivo dos V Premios ao Voluntariado Universitario, uns galardóns que queren recoñecer, promover e apoiar o labor solidario da mocidade universitaria. Para a súa realización enviouse un cuestionario ás persoas responsables de voluntariado de universidades españolas, públicas e privadas, así como a entidades sen ánimo de lucro con sede en España.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.