Por Galicia Confidencial | Vigo | 05/12/2017 | Actualizada ás 11:00
Desde A Guarda ata Burela. Organizacións, asociacións e colectivos culturais de todo o país realizarán diversas concentracios o vindeiro 6 de decembro coincidindo coa celebración do 39º aniversario da Constitución Española. Un día no que reclamarán o dereito de autodeterminación e a constitución dunha República Galega.
“O motivo desta concentraçom é explicitar a nossa aposta política e estratégica pola queda do regime neofranquista espanhol, reclamar o exercício unilateral do direito de autodeterminaçom -umha vez que, segundo mostra com absoluta claridade o processo catalám, é constatável a impossibilidade de democratizar o Estado espanhol nesta direçom- e reivindicar a República Galega”, indican nun comunicado.
O acto será en Vigo ás 12.00 horas ao pe da Cruz franquista erixida no monte Castro, en Vigo. As entidades suliñan que a convocatoria pública deste ato foi comunicada “em tempo e forma ao Governo espanhol” e pretende ser umha “denuncia explícita” do actual cadro constitucional e “um balanço crítico do ciclo autonómico”.
PIDEN ACORDOS PARA SUPERAR O CICLO AUTONÓMICO
“Acreditamos que unicamente a possessom do nosso próprio Estado garante as condiçons mínimas exigíveis para abordar com garantias e vocaçom resolutiva as principais problemáticas económicas, sócio-laborais, lingüísticas, ambientais, etc. que enfrenta o povo galego”, sinalan.
Neste sentido, consideran “absolutamente esgotado e sem percorrido” o ciclo autonómico e constitucional e convidan aos agentes sociais, sindicais e políticos de Galicia a chegar a acordos pra a “superaçom do atual quadro jurídico-político e conquista da soberania nacional”.
As entidades convocantes son Asociación Cultural Arrulique (Vigo), Asociación Jimmy Sempre com Nós (Crunha), Assembleia Nacional Galega (ANG), Briga, CausaGaliza, Ceivar, Centro social Faisca (Vigo), Centro social Fuscalho (Guarda), Centro social Mádia Leva! (Lugo), Centro social Revolta (Vigo), Centro social Xebra (Burela), Colectivo Nacionalista de Marín (CNM), GalizaLivre, portal informativo, Oficina de Dereitos Sociais (ODS) de Coia (Vigo), Sociedade Cultural e Desportiva (SCD) do Condado, Que Voltem para a Casa! eTerra Liberada.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.