Moito frío antes da chegada das chuvias, que serán débiles e non evitarán a seca
Os termómetros caen a -9,8 graos en Calvos de Randín (Ourense). A máxima está en Ribdeo, con 11,3 graos.
Por E.P. | SANTIAGO DE COMPOSTELA | 06/12/2017 | Actualizada ás 10:51
O frío incrementouse nas últimas horas en Galicia até o punto de que os termómetros caeron a -9,8 graos na localidade ourensá de Calvos de Randín, as horas previas a que entre unha fronte que deixará choivas xeneralizadas a noite deste xoves na comunidade.
Segundo os datos de MeteoGalicia consultados por Europa Press, a temperatura mínima nas últimas horas volveuna rexistrar Calvos de Randín, mentres que a máxima ás 10,10 horas deste mércores situábase no municipio lucense de Ribadeo, con 11,3 graos.
En xeral, un total de 25 provincias española teñen activado este mércores o aviso por risco de temperaturas mínimas que poden superar os -6 graos centígrados, segundo a Axencia Estatal de Meteoroloxía (AEMET), que espera temperaturas significativamente baixas durante a próxima madrugada.
Así, o frío afectará a todas as provincias de Castela e León, de Aragón, da Comunidade Valenciana, La Rioja, Cantabria, Comunidade de Madrid, Ciudad Real, Toledo, Guadalajara, Ourense, Barcelona, Girona, Lérida e Córdoba. Ademais, Valladolid e Zamora terán aviso de risco por néboa persistente, cunha visibilidade a 200 metros.
AS CHOIVAS FANSE DESEXAR
A pesar de que a previsión é que este día festivo estea marcado pola continuidade dos ceos despexados, ao final da xornada, a AEMET espera a chegada dun sistema frontal atlántico ao noroeste peninsular que podería deixar algunha choiva débil no noroeste de Galicia.
Xa a xornada do xoves, unha fronte achegarase a Galicia e deixará precipitacións leves ao principio, pero que se estenderán ao resto do territorio pola tarde e alcanzarán intensidade moderada xa pola noite.
No entanto, estas choivas en principio non solucionarán a situación de seca que vive Galicia, xa que a predición de Meteogalicia é que o venres, despois do paso dun sistema frontal durante a madrugada, a atmosfera tenderá a estabilizarse a medida que avance a xornada.
Así, á primeira hora da mañá do venres haberá nubes e choivas, pero a medida que avance a mañá, as choivas tenderán a desaparecer e xa a partir do mediodía, os ceos quedarán parcialmente nubrados.
Tanto o xoves como o venres, as temperaturas experimentarán un ascenso entre moderado e notable nas mínimas e máis lixeiro nas máximas, que non terán cambios significativos.
