Por E.P. | LUGO | 27/12/2017 | Actualizada ás 18:44
A alcaldesa de Lugo, a socialista Lara Méndez, perdeu a confianza do pleno da corporación, despois de que o PP, grupo maioritario con nove concelleiros, Ciudadanos con dous e ACE-Esquerda Unida cun, votasen en contra, e despois de que os grupos que a apoiaron na súa investidura, Lugonovo (3 edís) e BNG (2) se abstiveran. Os oito concelleiros do PSOE votaron a favor da "confianza" a Méndez.
Agora ábrese a posibilidade dunha moción de censura. A oposición dispón dun mes para expor esta opción --pola contra as contas acabarían aprobadas de forma inicial--, ofrecéndose a liderar esta fronte o PP, Ciudadanos e mesmo o portavoz do BNG, Rubén Arroxo, que acusou aos populares de "estar obcecados coa moción de censura" após deixar caer o portavoz Antonio Ameijide que se abrían a esa posibilidade.
"Paréceme moi ben, é moi fácil anunciar unha moción de censura cando se sabe que non se conta cos apoios (son precisos 13 concelleiros de 25) suficientes. Eu hoxe aquí, Rubén Arroxo Fernández, ofrézome a liderar unha moción de censura e ser o candidato á alcaldía e animou a ACE e a Lugonovo a formar un goberno á esquerda do PSOE", espetou.
Tamén a portavoz de Ciudadanos, Olga Louzao, recriminaba ao PP que renunciase a "ser alternativa de goberno, estando moi cómodo na oposición e nas dedicacións exclusivas". "Ao PP dálle preguiza gobernar, agora din que están abertos a falar dunha moción de censura. Se o PP renuncia a xogar ese papel, C's iniciará mañá con todos os grupos, sen exclusión de ningún tipo, a procura dun goberno plural e transversal", destacou.
MÁIS CRITICAS
A portavoz de Lugonovo, grupo que do mesmo xeito que o BNG apoiou ainvestidura de Méndez e este mércores abstívose, Cristina Pérez Herraiz, reprochou ao goberno socialista que "apenas" se perciba unha "transformación da cidade", en dous anos e medio de lexislatura.
En representación de ACE-Esquerda Unida, Carlos Portomeñe, cualificou os orzamentos, vinculados á confianza, de "antidemocráticos e falsos", ademais de "irreais". Criticou que a alcaldesa se instalase no "narcisismo".
O portavoz popular, Antonio Ameijide, acusou a Lara Méndez de "abusar da confianza" dos lucenses, e emulando ao expresidente José María Aznar convidouna a que marchara. "Váiase, Lugo non a merece", aseverou. Tamén aproveitou para criticar que os grupos de esquerda se envorquen en "ir en contra do PP".
ORZAMENTOS
Xa no comezo, a alcaldesa, Lara Méndez, explicou que o pleno obedecía á "necesidade" de aprobar os orzamentos municipais (95,4 millóns de euros). "Querémolos aprobar inicialmente e por iso vinculámolo a unha cuestión de confianza", dixo. "Entendemos que é un instrumento necesario para o desenvolvemento da nosa cidade, e non podemos estar outro ano como en 2017, sen orzamento", ha justificado.
E é que a oposición tirou as contas que presentou o goberno socialista, en minoría con oito edís, co que Lara Méndez busca que se lles "permita executar un orzamento, que é o mellor dos últimos anos para a cidade de Lugo", segundo valorou.
"Un orzamento cunha gran capacidade investidora, destina un 40 por cento a investimentos pasando de seis a nove millóns de euros. Un orzamento que segue sendo social, con 23 millóns de euros", enumerou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.