Feiraco 'disfraza' as súas caixas para un Entroido 100% galego

A marca de leite vístese cos motivos carnavalescos tradicionais do país e sortea centos de cuncas cun deseño especial.

Por Galicia Confidencial | Santiago de Compostela | 01/02/2018 | Actualizada ás 14:51

Comparte esta noticia

Por sétimo ano consecutivo, Feiraco vístese de Entroido e celebra cos seus consumidores esta tradicional festa en Galicia cunha campaña promocional nas principais cadeas de distribución do país e canles en liña, 'disfrazando' as súas caixas.

Entroido 100% galego en leite Feiraco.
Entroido 100% galego en leite Feiraco.

As caixas de Feiraco terán estes días os característicos motivos do Entroido galego, as máscaras de pantallas, cigarróns e peliqueiros, cuxo deseño poderase recortar, permitindo o seu uso como disfrace.

Os consumidores poderán ademais participar no sorteo de centos de cuncas exclusivas decoradas cos personaxes do tradicional Entroido galego, comprando unha caixa de 6 litros de calquera variedade de leite Feiraco e enviando unha fotografía do comprobante de compra á aplicación aloxada na páxina oficial de Facebook/FeiracoLacteos.

Esta campaña 2018 terá unha duración de catro semanas e rematará o 28 de febreiro, cando conclúa a recepción de participacións e se proceda ao sorteo dos premios.

A promoción completarase con materiais de imaxe decorados con motivos carnavalescos nos puntos de venda de Galicia e difundirase a través das redes sociais de Feiraco e doutros medios.

Deste xeito, "a cooperativa CLUN, da que forman parte, ademais de Feiraco, Os Irmandiños e Melisanto, continúa fiel ao seu compromiso con Galicia e os seus valores propios", resaltan desde Feiraco.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 4 comentarios

3 Enrique Castro

Porqué non se pode participar a través do correo elctrónico?

2 cesc

Sempre saen os mesmos deseños, para cando deseños de Xenerais, Troiteiros, Mázcaras de Manzaneda, etc...

1 parrulo

a verdade é que soncheme ben xeitosas, eu xa quero unha

1 Pondaliao

a verdade é "que che me son" ben xeitosas, eu xa quero unha