Alimentos galegos na maior exposición mundial de produtos ecolóxicos
En Nuremberg haberá conservas, xeados, ovos ou carnes feitos en Galicia.
Por Galicia Confidencial | Lugo | 13/02/2018 | Actualizada ás 11:45
Trece empresas de alimentación galegas estarán presentes na feira mundial máis importante de produtos ecoloxicos, Biofach, que se celebrá do 13 ao 17 deste mes na localidade alemá de Nuremberg.
Nesta feira haberá peixes, biscoitos, conservas, xeados e produtos de granxa como ovos ou carne. Na feira alemá haberá representación de empresas do catro provincias, 6 da Coruña, 1 de Lugo, 1 de Ourense e 6 de Pontevedra.
Así, acudirán representantes de Orbé (conservas de peixe), Hifas da terra (cogomelos, fungos e preparados alimenticios), Daveiga (panificación, galletas mariñeiras), Orballo (infusións, arroces e especias), Coren (carne, ovos), Produto de aldea (viño), Portomuiños (algas e derivados, conservas de pesado, preparados alimenticios), The bio factory (Xeados), Coracai (Açai e derivados), Connorsa (conservas de peixe) e Pasteurizados Cies (mexillón).
Na edición do ano pasado xa quedou patente a repercusión de Biofach pois partiparon 2793 expositores de 134 países, acudindo 51.453 profesionais interesados en coñecer as novidades e ofertas do sector agroalimentario ecolósico. En 2017 co selo do Craega só acudiron seis empresas que utilizaron 45 metros cadrados, en tanto que este ano acoden o dobre, doce, e ocuparán 110 metros cadrados.
