SANTIAGO DE COMPOSTELA | 16/02/2018 | Actualizada ás 17:25 por EUROPA PRESS
O Parlamento galego acordou por unanimidade instar á Xunta de Galicia a dirixirse ao Goberno central para demandar a redución do IVE sobre os produtos coñecidos como de hixiene íntima (compresas, tampóns e copas menstruais) do 10% ao 4%.
A iniciativa, que partiu do BNG e foi aprobada co voto a favor de todos os grupos, tamén pide a elaboración e remisión ao Parlamento galego dun informe sobre as actuacións levadas a cabo para o cumprimento desta demanda.
En terceiro lugar, require á Xunta "desenvolver, no ámbito das súas competencias, a divulgación das alternativas ás compresas e tampóns e das súas vantaxes económicas e de respecto ao medio ambiente nas súas campañas informativas, especialmente as desenvolvidas ou destinadas a centros educativos e de mocidade".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.