A vicepresidenta da Deputación da Coruña ve "opcións" de recuperar o Pazo de Meirás
A Xunta Pro Devolución reunirase o 1 de marzo e analizará senllos informes que van "nesa liña"
Por E.P. | A CORUÑA | 20/02/2018 | Actualizada ás 17:32
A vicepresidenta da Deputación da Coruña, Goretti Sanmartín, considerou que hai "opcións" de recuperar o Pazo de Meirás para o dominio público, expuxo coincidindo coa súa presenza na presentación da Gala Rosalía de Castro.
En concreto, confirmou que a Xunta Pro Devolución do Pazo de Meirás se reunirá o 1 de marzo, ás 10,00 horas, e que na reunión se presentará "un informe histórico e outro xurídico" sobre o inmoble.
Deles, avanzou que incluirán "novidades importantes. "En liña de recuperar o Pazo para o dominio público", sinalou a vicepresidenta provincial, para quen existen "opcións" de logralo.
Por iso, considerou necesario que todas as administracións traballen "nesta liña". "Non se entendería que houbese unha administración que estivese disposta a pagar unha cantidade por un ben que foi obxecto dun espolio", expuxo tamén.
"PROVOCACIÓN" DO FRANCO
Mentres, sobre a posible venda do inmoble, dixo que "a familia Franco lanza un globo sonda ou está a facer unha provocación total ao conxunto da poboación porque saben do clamor social que hai para a devolución do Pazo".
A iso, sumou a existencia dunha r"esposta institucional", incidindo ademais en que hai "informes que avalan" a recuperación do edificio para o patrimonio público.
