Por E.P. | ZARAGOZA | 24/02/2018 | Actualizada ás 14:48
O presidente do Goberno anunciou que o novo modelo de financiamento autonómico "terá en conta" o despoboamento e a dispersión poboacional, unha das principais reivindicacións da Xunta de Alberto Núñez Feijóo.
Na súa intervención na convención nacional do PP sobre familia e conciliación, Mariano Rajoy dixo que "os cidadáns necesitan que nos esforcemos para chegar a un acordo" porque o PP só non pode, facendo un chamamento ao PSOE para que "pase do discurso a sentar, falar e buscar un entendemento". Neste sentido, anunciou que o novo modelo de financiamento autonómico "terá en conta" o despoboamento e a dispersión poboacional.
Eloxiou o medio rural e dixo que "o despoboamento se está a converter nun problema capital no noso país", polo que "o imos pór na axenda nacional e o primeiro que proporá solucións será o PP" para promover un mundo rural "dinámico, moderno e con empregos de alto valor".
CATALUÑA
Noutra orde de cousas, Mariano Rajoy deixou claro que "nós defendemos a toda España" fronte a quen "defende só a unha parte". Lembrou que o Executivo central aplicou o artigo 155 da Constitución e confiou en que en Cataluña, "se presente xa un candidato que non estea involucrado en asuntos xudiciais" para "volver á normalidade, sexa elixido e diga 'eu penso como quero pero vou respectar a lei e asinar a vixencia do Estado de Dereito".
"Temos unha longa historia cos nosos acertos e erros, pero ao PP sempre lle tocou gobernar nos momentos mais difíciles, complicados e acreditamos que tivemos coraxe, determinación e ganas para sacar os problemas adiante: outros falan", concluíu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.