Detidos os alcaldes de Cee, Fisterra e Mazaricos

ACTUALIZACIÓN DAS 18 HORAS: Confirmado Construciones Ogando como unha das empresas investigadas. GC xa informou en 2006 de irregularidades urbanísticas en varios municipios da Costa da Morte. Presuntos delitos deste tipo son o motivo dunha espectacular operación policial que promete sacudir a precampaña das eleccións locais.

Presión urbanística na Costa da Morte

Por Galicia Confidencial | Cee | 31/01/2011 | Actualizada ás 12:49

Axentes da Unidade de Delitos Económicos e Fiscais detiveron esta mañá aos alcaldes de Cee, Fisterra e Mazaricos, na Costa da Morte. O PPdeG goberna en maioría en Fisterra (José Manuel Traba) e Mazaricos (José Manuel Santos Manerio). Os Independentes por Cee (Ramón Vigo) nesta vila, co apoio do PSOE a este ex-militante do PP dende 2007.

O líder dos socialistas galegos, Pachi Vázquez, pediu prudencia até coñecer os detalles das detencións. Polo de agora, o líder do PP deG, Alberto Nuñez Feijóo, non se pronunciou. O seu número dous, Alfonso Rueda, declarou que "o que vai facer o PP é o de sempre, máximo respeto ás actuacións xudiciais e máxima colaboración".

Construciones D. Ogando

Ademais dos alcaldes, no marco da "Operación Orquesta" están detidos dous concelleiros de Fisterra e tres empresarios. Tráfico de influencias, prevaricación, cohecho e falsificación documental son as acusacións.

Segundo o dixital local Que pasa na Costa, Construciones Ogando sería unha das empresas intervidas polos axentes. Trátase dunha empresa baseeada en Muxía e que traballou recentemente tanto para os municipios como para a Xunta. O dono da empresa e o seu fillo tamén se atopan detidos.

Trátase dunha operación de moita importancia, con ducias de furgonetas de antidisturbios rodeando os edificios municipais. A investigación está coordenada Audiencia Nacional en colaboración co Xulgado de Instrución número 2 de Corcubión. Os axentes están a incautar documentación urbanística nas oficinas públicas. Tamén rexistraron o domicilio particular do alcalde de Cee.

Polo de agora pouco máis se coñece até o de agora, pois existe segredo de sumario. Está previsto que os detidos comparezan ante o xuíz este mesmo luns.

En 2006 GC xa se fixo eco das denuncias de irregularidades urbanísticas na Costa da Morte, na que estarían implicadas varias notarías de Madrid. Este diario informou dos intentos de camuflar operacións urbanísticas baixo o paraugas de supostas concentracións parcelarias.

Noticias relacionadas

Presión urbanística na Costa da Morte

4 un calquera

La Voz dixo que tamén interviran o concello de Muxía do PSOE. Pero foi un erro porque interviñeron a sede dunha honrada empresa constructora de Muxía, non o concello. Cee está gobernado por un independente ExPP amigo dos compañeiros en Fisterra e Mazaricos. Chegou á alcaldía co apoio do PSOE, según nos aclara la coz, que parece que é o PSOE o corrupto aquí (según ese panfleto claro)...

3 os de sempre

que casualidade que todos che son moi populares, deben ser profesionais das relacións públicas.

2 o padriño

O alcalde do PP de Cee, o alcalde do PP de Fisterra e o alcalde do PP de Mazaricos sairon do despacho da alcaldía ó furgón policial. Vedes, se é que todos son iguais... Se non votas ó PP, a quen vas votar?. Ós corruptos dos bipartitos?

1 galleguiño

E o noso alcalde sairá pronto do cárcere, chegará a tempo para poder votalo nas municipais non?. Porque non imos votar ós ladróns do bloque...

1 fernando

joder, chaval como tes a cabesa ,os corruptos sean do pp, bloque, psoe ,ou do que sean , hay que enserralos e tirar ca chave o mar , non se pode estar traballando para que estos ladrons vivan a conta nosa , e que sigan tirando do fio, que galicia esta hasta as tetas de estafadores