Xunta e sindicatos de xustiza retoman este mércores as negociacións despois de máis de dous meses de folga

O vicepresidente da Xunta, Alfonso Rueda, anunciou que os sindicatos de xustiza foron convocados para este mércores ao mediodía, no edificio administrativo de San Caetano, para retomar as negociacións que permitan pór fin a unha folga indefinida que arrincou o 7 de febreiro e supera xa os dous meses. As partes volverán sentar máis de 20 días despois do seu último encontro, o 26 de marzo.

VIGO | 17/04/2018 | Actualizada ás 14:00 por EUROPA PRESS

Comparte esta noticia

O vicepresidente da Xunta, Alfonso Rueda, anunciou que os sindicatos de xustiza foron convocados para este mércores ao mediodía, no edificio administrativo de San Caetano, para retomar as negociacións que permitan pór fin a unha folga indefinida que arrincou o 7 de febreiro e supera xa os dous meses. As partes volverán sentar máis de 20 días despois do seu último encontro, o 26 de marzo.

Alfonso Rueda increpado por traballadores da xustiza este martes en Vigo
Alfonso Rueda increpado por traballadores da xustiza este martes en Vigo | Fonte: Europa Press

Nun acto en Vigo sobre a segunda fase das obras da Cidade da Xustiza, Rueda estimou que "sería posible chegar a un acordo" ao redor da proposta de subida mensual de 300 euros que calcula a Xunta. "Con esa cifra sentarémonos á mesa", afirmou o número dous do Goberno galego.

No entanto, o delegado de SPJ-USO e portavoz dos folguistas en Vigo, Julio Bouza, xa alertou de que "non haberá posibilidade de acordo" se a proposta da Xunta inclúe a parte de subida que correspondería á que se efectuará a nivel estatal aos empregados públicos, xa que os traballadores o que queren é incrementar o seu complemento autonómico.

No acto en Vigo, Alfonso Rueda tivo que enfrontarse este martes a unha vintena de traballadores da xustiza que, ataviados coas súas camisetas azuis, increpárono e apuparono á saída da Delegación da Xunta.

PROPOSTAS E SEGUIMENTO

Á espera desta nova convocatoria para tentar desatascar un conflito que segue enquistado --a mesa sentou por última vez o 26 de marzo--, a Xunta mantén sobre a mesa unha proposta que se traduciría nunha subida salarial mensual de 135 euros ao mes para forenses, 133 para xestores, 108 para tramitadores e 105 para corpos de auxilio.

O Goberno galego reivindica que esta oferta (que se aplicaría ao complemento autonómico transitorio do persoal de xustiza), sumada ao incremento pactado en Madrid para todos os empregados públicos, supón unha subida dun 14% --máis de 300 euros máis ao mes--.

O comité de folga, que ve insuficiente a súa formulación, rebaixou a súa esixencia de 190 a 180 euros lineais para todos os corpos con efectividade en dúas anualidades.

Os sindicatos manteñen que o seguimento da folga continúa sendo "moi alto", mentres que a Xunta rebaixouno nesta xornada ao 27,69% e cuantificou que participaron no paro 760 traballadores.

Algún erro? Nota editorial
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta