Drons con selo galego para detectar minas antipersoa

A Universidade de Vigo patenta, canda a de Oviedo, aparellos non tripulados que tamén miden emisións electromagnéticas de antenas.

Por Galicia Confidencial | Vigo | 17/04/2018 | Actualizada ás 16:12

Comparte esta noticia

As universidades de Vigo e Oviedo veñen de patentar drons para detectar minas antipersoas e medir emisións electromagnéticas de antenas e que abren novas liñas de aproveitamento para a administración pública e para as empresas.

Dron con sistema radar
Dron con sistema radar | Fonte: UVigo.

No proxecto participaron o catedrático Antonio García Pino e os investigadores Borja González-Valdés e Yolanda Rodríguez Vaqueiro do Departamento de Teoría do Sinal e Comunicacións do centro de investigación atlanTTic da Universidade de Vigo e os seus homólogos do grupo de Teoría de la Señal y Comunicaciones da Universidad de Oviedo María García Fernández, Yuri Álvarez López, Fernando Las Heras Andrés e Ana Arboleya Arboleya.

“Esta iniciativa comezou cun proxecto para embarcar sistemas radar en drons para detectar minas e tubaxes enterradas, entre outras cousas, e a partir da tecnoloxía que utilizamos para facer iso adaptouse para a medida de antenas, cos mesmos sensores e co mesmo sistema de posicionamento, sobre todo, adaptáronse para as antenas”, explica Borja González-Valdés, que sinala que o papel principal desenvolvido pola representación viguesa no proxecto centrouse en axudar aos seus socios en cuestións de posicionamento e no procesado de datos.

Mentres para a detección das minas antipersoa emprégase un radar embarcado nun drone, a medición de emisións electromagnéticas de antenas, abre a porta a medir o funcionamento de antenas, por exemplo en estacións de telefonía móbil ou de radiodifusión, evitando que haxa que desmontalas para comprobar o seu estado ante determinadas incidencias.

Fronte as aplicacións de drons baseadas en sensores como cámaras de vídeo, fotografía e térmicas, os investigadores de Vigo e Oviedo introduciron novos sensores de bandas de radiofrecuencia e microondas que permiten explotar as propiedades destas ondas para “ver o invisible”, segundo eles mesmos explican.

“Nós temos dúas patentes, unha sobre o sistema de detectar minas e outro sobre o sistema de antena. Pasaron o exame previo e ningunha das dúas se fixera antes e son patentes concedidas e a tecnoloxía que se emprega nun e noutro caso é bastante similar”, explica Borja González-Valdés en relación coas dúas aplicacións.

Así, nun caso a aplicación toma como base un radar que emite ondas de radiofrecuencia capaces de atravesar o solo as paredes e capta a resposta de posibles obxectos ocultos e combinando diferentes medidas obtense unha imaxe de alta resolución deses obxectos. Outras aplicacións desta primeira patente centraríanse na obra civil para detección de tubaxes á hora de decidir onde realizar unha escavación e en arqueoloxía, para localizar restos de xeito non invasivo.

No caso da segunda patente, para a inspección de antenas, combinouse a experiencia adquirida na aplicación da detección de minas cos coñecementos sobre medida de antenas e emisións electromagnéticas do grupo da Universidade de Oviedo. Así, aproveitando o logros no posicionamento preciso dos drons, que é unhas dez veces mellor que a proporcionada por un GPS convencional e técnicas novidosas de medida de antenas, é posible medir e diagnosticar o funcionamento dunha antena.

Os prototipos desenvolvidos foron validados de xeito satisfactorio en condicións reais de operación, dispoñendo de autonomías de voo de 15 a 20 minutos. O proxecto conta coa colaboración do Ministerio de Economía y Competitividad, da Xunta de Galicia, o Goberno del Pri

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 2 comentarios

2 Pedro H

Me parece una buena idea hacer uso de drones para cometidos como este, lo que no logro entender es que casi todos los modelos, por no decir todos, suelen tener una duración de vuelo de 15-20 minutos como mucho. Las baterías de estos aparatos no tripulados aún están un poco verdes y su duración es escasa para estos cometidos. Aunque las baterías se pueden cambiar con facilidad, es una tarea algo engorrosa pero bueno.

1 Picapedra

O 99 por cento deses drons é tecnoloxía asiática. Cal é o mérito?