A CORUÑA | 19/04/2018 | Actualizada ás 18:40 por EUROPA PRESS
Funcionarios de xustiza na Coruña secundaron unha concentración nas inmediacións da institución benéfica Padre Rubinos, a onde se desprazaron con motivo da presenza do presidente da Xunta, Alberto Núñez Feijóo, no centenario da entidade, un acto que contou coa presenza de Réinaa dona Sofía.
Ao redor de medio centenar de funcionarios congregáronse detrás dos valos habilitados na zona, con ampla presenza policial. Alí, corearon proclamas como 'Aquí está, aquí vese, a xustiza galega en pé'.
En declaracións aos medios, o portavoz do comité de folga na Coruña, Javier Fernández, culpou á Xunta de Galicia da ruptura das negociacións. "Prefiren non asinar un acordo por só nove euros ao mes", esgrimiu.
Tamén recalcou que iso suporá "manter a paralización da xustiza galega", ter "a avogados e procuradores afogados como eles din e aos cidadáns sen unha resposta".
Mentres, ratificou que, despois de romper as negociacións, non queda "outra que seguir". "Polas nosas lexítimas reivindicacións e por dignidade", expuxo Javier Fernández para quen o Executivo galego busca utilizalos "como exemplo para futuros colectivos que queiran reclamar".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.