SANTIAGO DE COMPOSTELA | 24/04/2018 | Actualizada ás 15:40 por EUROPA PRESS
Dous operarios que traballaban nunha liña de alta tensión en Teo (A Coruña) resultaron feridos este martes ao caer desde o elevador co que traballan a unha altura aproximada dun sexto piso.
Segundo informou o CIAE 112 Galicia, o accidente tivo lugar ás 10,15 horas no lugar de Paredes, en Lucín.
Despois de recibir o aviso do accidente, o persoal do 112 alertou ao servizo de Urxencias Médicas 061, á Garda Civil, á Policía Local e aos efectivos de Protección Civil da localidade.
Os dous traballadores foron evacuados polo persoal sanitario até o centro hospitalario de referencia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.